SEJT Enkontru Ho Trabailladór Sira Hodi Rona Sira-Nia Esperiénsia

SEJT Enkontru Ho Trabailladór Sira Hodi Rona Sira Nia Esperiénsia

Dili : Sekretariu Estadu Juventude Trabailladór (SEJT) Nivio Magalhães realiza sorumutuk ho traballadór Timor Oan sira iha Korea ne’ebé remata ona sira nia kontratu servisu iha Korea iha Salaun SEJT Loron Segunda (9/4/2018).

  Tuir SEJT Nivio Magalhães iha entrevista ba jornalista sira katak, traballadór sira ne’e servisu kontratu remata ona tuir akordu entre Governu Timor-Leste ho Korea ho durasaun tinan haat fulan sanulu.

          “Objetivu husi enkontru ne’e hodi rona traballadór sira-nia servisu no esperensia durante iha Korea no dezafiu saida mak sira hasoru atu nune’e sai referensia ba ami atu hadia di’ak liután programa ne’e” hateten, Nivio Magalhães.

          Governante ne’e deskreve liután traballadór hamutuk atus ida hitunulu resin tolu (173) mak fila ona mai Timor bazeia ba sira-nia kontratu servisu nian.

“Maské agora dadaun Governu mós konsidera nafatin traballadór refere sei haree sira nia komportamentu nafatin fó apoiu servisu iha Korea maibé tenke tuir rezistu”, tenik SEJT.

       Entertantu traballadór ne’ebé rejistu ona sei iha faze prosesu rekolla dadus durante rezistu hodi tuir kursu Lian Korea atu haree sira ne’ebé iha kapasidade sei tuir ezame hodi ba servisu iha Korea, ne’e nakloke ba Timor oan hotu. (Mar)